Mar 12:41-44 | LezIBTNT | STEP | Иса, садакьадин пул вегьидай буьруьнждикай авунвай крчунин къаншарда ацукьна, халкьди гьаниз пул гьикӀ вегьизватӀа, килигзавай. Девлет авай гзафбуру пул пара вегьизвай.

‏ Mark 12:41-44

Кесиб хендедадин садакьа

(ЛкӀ. 21:1-4)

41 Иса, садакьадин пул вегьидай буьруьнждикай авунвай крчунин къаншарда ацукьна, халкьди гьаниз пул гьикӀ вегьизватӀа, килигзавай. Девлет авай гзафбуру пул пара вегьизвай. 42 Атай са кесиб хендедади, къапуниз мукьва хьана, кьве чет кепек вегьена.

43 Исади, Вичин тилмизрин фикир а папал желбна, лагьана:

– За квез рикӀивай лугьузва: и кесиб хендедади амайбурулай гзаф пул вегьена, 44 вирибуру чпихъ авай артуханди вегьизвай, и папа, вичин кесибвилизни килиг тавуна, вичихъ авай-авачир вири гана.