Mar 15:1-5 | LezIBTNT | STEP | Экуьнахъ тадиз чӀехи хахамри агъсакъалрихъни тавратдаррихъ ва Меслягьатда авай вирибурухъ галаз меслятар авуна. Абуру Иса кутӀунна, тухвана ПилатӀан гъиле туна.

‏ Mark 15:1-5

Иса ПилатӀан вилик

(МатӀ. 27:1, 11-30; ЛкӀ. 23:1-5, 13-25; Ягь. 18:28–19:16)

1 Экуьнахъ тадиз чӀехи хахамри агъсакъалрихъни тавратдаррихъ ва Меслягьатда авай вирибурухъ галаз меслятар авуна. Абуру Иса кутӀунна, тухвана ПилатӀан гъиле туна.

2 ПилатӀа Адавай хабар кьуна:

– Вун Чувудрин Пачагь яни?

– Вуна гъа икӀ я лугьузва, – жаваб гана Исади.

3 ЧӀехи хахамри Адак гзаф тахсирар кутуна. 4 ПилатӀа Адавай мад хабар кьуна:

– Ваз лугьудай гаф авачни? Вак кутазвай кьван тахсирар Ваз аквазвачни?

5 Амма Исади и гафаризни жаваб тагайвиляй ПилатӀ пара мягьтел хьана.