Mat 12:46-50 | LezIBTNT | STEP | Исади и ихтилат ийизвай чӀавуз Адан дидени стхаяр атана. Абуруз Адахъ галаз рахаз кӀанзавай. Амма абур кӀвализ гьахьнач.

‏ Matthew 12:46-50

Исадин дидени стхаяр

(Мрк. 3:31-35; ЛкӀ. 8:19-21)

46 Исади и ихтилат ийизвай чӀавуз Адан дидени стхаяр атана. Абуруз Адахъ галаз рахаз кӀанзавай. Амма абур кӀвализ гьахьнач. 47 Са ни ятӀани Исадиз лагьана:

– Ви дидени стхаяр Вав рахаз кӀанз къецел акъвазнава.

48 – Дидени стхаяр Зун патал вужар я кьван? – жаваб гана Ада.

49 Вичин тилмизар гъилив къалурна, Ада лагьана:

– Ингье Зи диде ва Зи стхаяр-вахар! 50 Цавараллай Зи Бубадин къаст ни кьилиз акъудзаватӀа, гьам Зи стхани я, вахни я, дидени!