Mat 13:31-33 | LezIBTNT | STEP | ГьакӀ лугьуз, Исади абуруз маса кьиса теклифна: – Цаварин Пачагьлугъ – инсанди къачуна вичин никӀиз вегьей финдин тварциз ухшар я.

‏ Matthew 13:31-33

31 ГьакӀ лугьуз, Исади абуруз маса кьиса теклифна:

– Цаварин Пачагьлугъ – инсанди къачуна вичин никӀиз вегьей финдин тварциз ухшар я. 32 Тумарикай ам виридалайни куьлуь ятӀани, амма экъечӀайла, салан набататрикай виридалайни чӀехи хьана, адакай тар жеда. Къушар къвез гьахьтин таран хилерал мукар ийиз жеда.

33 Исади абуруз мад са кьиса ахъайна:

– Цаварин Пачагьлугъ – папа лап гзаф кьадар гъуьруьк кутур гъварциз ухшар я, ам кутунмазни тини атана.