Mat 23:1-7 | LezIBTNT | STEP | Ахпа Исади халкьдихъ ва Вичин тилмизрихъ галаз ихтилатар ийиз хьана.

‏ Matthew 23:1-7

Фарисейринни тавратдаррин чӀуру крар

(Мрк. 12:38-39; ЛкӀ. 11:37-52; 20:45-47)

1 Ахпа Исади халкьдихъ ва Вичин тилмизрихъ галаз ихтилатар ийиз хьана. 2 Ада лагьана:

– Тавратдаррини фарисейри Мусадин Къанундиз баянар гудай ихтияр чпин гъиле кьунва. 3 Абуру квез вуч лагьайтӀа, гьам кьилиз акъуд, амма абуру ийизвай крар куьне ийимир, абуру гафаралди лугьузва, краралди ийизвач. 4 Абуру инсанрал ялиз тежедай пар эцигзава, амма чпи а пар кьун патал, абуру гьич тӀуб тупӀухъ гелядач. 5 Абуру чпин крар анжах халкьдиз чпи са вуч ятӀани ийизвайди акурай лугьуз ийизва. Абуру пелер кутӀуннавай затӀариз килиг, абурун пекерал алай яргъи курквачӀриз килиг! 6 Синагугра абур вилик чкаяр кьаз алахъда. 7 Абуруз базардин майдандал инсанри чпиз гьуьрметдалди икрам авун, чпихъ галаз «Муаллим» лугьуз рахун кӀанда.