Mat 26:71-75 | LezIBTNT | STEP | Ам варарив агатдайла, муькуь къаравушдиз акуна ва анал алайбуруз ада лагьана: – Имни Назаретви Исадихъ галаз санал авайди тир.

‏ Matthew 26:71-75

71 Ам варарив агатдайла, муькуь къаравушдиз акуна ва анал алайбуруз ада лагьана:

– Имни Назаретви Исадихъ галаз санал авайди тир.

72 Петруди мад кьил къакъудна кьин кьуна:

– Ам заз чидай Кас туш.

73 Са герендилай анал алай инсанар Петрудив агатна, лагьана:

– Якъин вунни гьабурукай я, ви рахунрин жуьреди вун гьабурукай тирди къалурзава.

74 Гьанлай Петруди кьинер кьаз, Аллагьдиз дад ийиз хьана:

– Ам заз чидай Кас туш.

Гьа рахунрик кваз садлагьана кӀекре гьарайна. 75 Петрудин рикӀел Исади лагьай гафар хтана: «КӀекре гьарайдалди вуна Закай пудра кьил къакъудда». Варарай экъечӀна, ам къагьардалди шехьна.