Mat 4:23-25 | LezIBTNT | STEP | Иса вири Галилей тирвал къекъвезвай, Ада Цаварин Пачагьлугъдин вахт атуникай Шад Хабар гузвай. Ада синагугра чирвилер гузвай ва гьар жуьре азарарни начагъвилер квайбур сагъар хъийизвай.

‏ Matthew 4:23-25

Исади гзаф инсанар сагъар хъувун

(Мрк. 1:39; 3:7-12; ЛкӀ. 4:44; 6:17-19)

23 Иса вири Галилей тирвал къекъвезвай, Ада Цаварин Пачагьлугъдин вахт атуникай Шад Хабар гузвай. Ада синагугра чирвилер гузвай ва гьар жуьре азарарни начагъвилер квайбур сагъар хъийизвай. 24 Суьрия тирвал Адакай ван-сес чкӀана; Адан патав гьар жуьредин азарар квайбур, жинерар квайбур, чӀур жедайбур, фалужди янавайбур ва масабур гъизвай. Ада вири сагъар хъийиз хьана. 25 Адан гуьгъуьна Галилейдайни ЦӀуд-Шегьердай, Ярусалимдайни Ягьудатдай ва Ярдан вацӀ галай патайни халкь гьатна.