Mat 9:1-8 | LezIBTNT | STEP | Гьа чӀавуз Иса луьткведа аваз вирелай элячӀна Вичин шегьердиз хтана.

‏ Matthew 9:1-8

Фалужди янавайди сагъар хъувун

(Мрк. 2:1-12; ЛкӀ. 5:18-26)

1 Гьа чӀавуз Иса луьткведа аваз вирелай элячӀна Вичин шегьердиз хтана. 2 Адан патав месел алаз фалужди янавайди гъана. Исади, абурун иман акурла, фалужди янавайдаз лагьана:

– ВикӀегь хьухь, чан хва! Ви гунагьрилай гъил къахчунва.

3 Гьа и арада тавратдаррикай са бязибуру чпи чпик лагьана:

– Ада Аллагьдиз асивал ийизва.

4 – Куьне вучиз куь рикӀера чӀуру фикирар твазва? – абурун фикирар акурла, лагьана Исади. – 5 Вуч лугьун регьят я: «Ви гунагьрилай гъил къахчунва» лугьун регьят яни, я тахьайтӀа «Къарагъ, ахлад» лугьун? 6 Амма Инсандин Хцихъ гунагьрилай гъил къахчудай ихтияр и дуьньядал авайди квез чир хьун патал, За фалужди янавайдаз лугьузва: «Къарагъ, жуван месни къахчуна кӀвализ ахлад».

7 Ам къарагъна, вичин кӀвализ хъфена.

8 Халкьдиз и кар акурла, кичӀе хьана ва инсанриз ихьтин алакьун ганвай Аллагьдиз шукурар авуна.