Eph 6:5-9 | LezIBTNT | STEP | ЛукӀар, и чилел куь иесийриз гьуьрметдивди ва рикӀик зурзун кваз, михьи рикӀелди, куьн Месигьдиз муьтӀуьгъ жедайвал, муьтӀуьгъ хьухь.

‏ Ephesians 6:5-9

ЛукӀаринни абурун иесийрин алакъаяр

(Кал. 3:22–4:1)

5 ЛукӀар, и чилел куь иесийриз гьуьрметдивди ва рикӀик зурзун кваз, михьи рикӀелди, куьн Месигьдиз муьтӀуьгъ жедайвал, муьтӀуьгъ хьухь. 6 И кар гьакӀ къалурун патал, анжах абур квев регьимвилелди эгечӀун патал ваъ, руьгьдалди Аллагьдин къаст кьилиз акъудзавай Месигьдин лукӀари хьиз ая. 7 Куьне инсанриз ваъ, Реббидиз гьикӀ къуллугъдайтӀа, гьакӀ рикӀ алаз къуллугъ ая. 8 Реббиди гьар са хъсан кардай, ам ни – лукӀра ва я азад касди – авуртӀани, савкьват гудайди рикӀел хуьх.

9 Куьнни, иесияр, куь лукӀарив гьа саягъда эгечӀа. Абуруз гьелягьар кьун акъвазара. Цаварал гьабурун ва куь винел иесивалзавай Ребби алайди ва Ада садни муькуьдалай вине кьан тийизвайди рикӀел хуьх.