Luk 18:15-17 | LezIBTNT | STEP | Исадин патав, Ада кап алтадун патал, аяларни гъидай, амма тилмизри абуруз туьгьметар ийизвай.

‏ Luke 18:15-17

Исади аялриз хийир-дуьа авун

(МатӀ. 19:13-15; Мрк. 10:13-15)

15 Исадин патав, Ада кап алтадун патал, аяларни гъидай, амма тилмизри абуруз туьгьметар ийизвай. 16 Исади Вичин тилмизриз эверна, лагьана:

– Аялар Зи патав атурай, куьне абуруз манийвилер ийимир, вучиз лагьайтӀа Аллагьдин Пачагьлугъ гьахьтинбурунди я. 17 За квез рикӀивай лугьузва: ни Аллагьдин Пачагьлугъ аялди хьиз кьабул тавуртӀа, ам аниз акъатдач.