Luk 22:47-53 | LezIBTNT | STEP | Гаф мецел аламаз, гзаф инсанар атана акъатна, кӀвенкӀве Адан цӀикьвед илчидикай сад тир Ягьуд авай. Ам темен гуз Исадиз мукьва хьана.

‏ Luke 22:47-53

47 Гаф мецел аламаз, гзаф инсанар атана акъатна, кӀвенкӀве Адан цӀикьвед илчидикай сад тир Ягьуд авай. Ам темен гуз Исадиз мукьва хьана.

Иса маса гун ва кьун

(МатӀ. 26:47-56; Мрк. 14:43-50; Ягь. 18:3-11)

48 – Эй, Ягьуд! – хабар кьуна Исади. – Вуна Инсандин Хва темендалди маса гузвани?

49 Инал жедай кардин кьил акурла, Исадихъ галайбуру Адаз лагьана:

– Я Агъа! Турар кардик кутадани?

50 Абурукай сада кьилин хахамдин вач-хъшадин эрчӀи яб яна галудна. 51 Инал Исади лагьана:

– Бес я, акъваз!

Адан япук гъил кяна, ам сагъар хъувуна. 52 Вичиз акси экъечӀнавай чӀехи хахамриз, агъсакъалриз ва Аллагьдин КӀвалин къаравулрин кьиле авайбуруз Исади лагьана:

– Куьн Зи винел турарни вагьрамар гваз атанва, на лугьуди, Зун са къачагъ я! 53 Зун квехъ галаз гьар юкъуз Аллагьдин КӀвале жезвай, куьне Зал гъил хкажначир. Амма гила куь девран алукьнава, мичӀивилин девран гъалиб хьанва.