Luk 9:22-27 | LezIBTNT | STEP | – Инсандин Хци гзаф азаб-азият чӀугун лазим я, – лагьана Исади. – Ам агъсакъалри, чӀехи хахамри ва тавратдарри кьабулнач. Ам абуру рекьида ва пуд лагьай юкъуз Адал чан хкведа.

‏ Luke 9:22-27

Исади Вичин кьиникьикай сад лагьай гъилера лугьун

(МатӀ. 16:21-28; Мрк. 8:31–9:1)

22 – Инсандин Хци гзаф азаб-азият чӀугун лазим я, – лагьана Исади. – Ам агъсакъалри, чӀехи хахамри ва тавратдарри кьабулнач. Ам абуру рекьида ва пуд лагьай юкъуз Адал чан хкведа.

23 Виридахъ элкъвена, Исади давамарна:

– Низ Захъ галаз къвез кӀанзаватӀа, ам чандилайни гъил къачуна, гьар юкъуз вичин азабрин хашни кӀулаз яна Захъ галаз атурай. 24 Низ вичин чан хуьз кӀанзаватӀа, а касдивай чан къакъатда. Зун патал ни вичин чан эцигайтӀа, адан чан сагъни жеда. 25 Вичин чан пучна вири дуьнья къачуникай инсандиз вуч хийир ава? 26 Инсандин Хва Вичин ва Вичин Бубадин, гьакӀни пак малаикрин баркалла алаз къведа. Амма низ Зун ва Зи Гафар кьабулиз регъуь хьайитӀа, Инсандин Хцизни, Вич атайла, гьа кас кьабулиз регъуь жеда. 27 За квез рикӀивай лугьузва: инал акъвазнавай са бязибуруз Аллагьди пачагьвал ийидай вахт акун тавунмаз, гьич ажални аквадач.