Mark 10:13-16
Исади аялриз хийир-дуьа авун
(МатӀ. 19:13-15; ЛкӀ. 18:15-17)
13Исади кап алтадун патал, Адан патав аялар гъиз хьана, амма тилмизри абуруз туьгьметар ийизвай. 14И кар акур Исади, хъел атана, лагьана: – Аялар Зи патав атурай, куьне абуруз манийвал гумир, вучиз лагьайтӀа Аллагьдин Пачагьлугъ гьахьтинбурунди я. 15За квез рикӀивай лугьузва: Аллагьдин Пачагьлугъ ни аялди хьиз кьабул тавуртӀа, ам аниз акъатдач. 16Аялар къужахда кьуна, абурал кап алтадна, Ада абуруз хийир-дуьа авуна.
Copyright information for
LezIBTNT