Mark 12:18-27
Кьейибурал чан хтуникай
(МатӀ. 22:23-33; ЛкӀ. 20:27-40)
18Ахпа Исадин патав кьейидалай кьулухъ инсандал чан хкведач лугьудай сакъаяр атана. 19– Я Муаллим! – хабар кьуна абуру. – Мусади чаз кхьенай: «Стхайрикай сад кьена, аялар галачир паб амукьайтӀа, къуй муькуь стхади адан паб къахчуна вичин стхадин тухум кухтурай» a. 20Ирид стха хьана: сад лагьай стхади паб гъана, амма ам аялар тахьана кьена. 21Адан паб кьвед лагьай стхади къахчуна, аялар тахьана гьамни кьена; пуд лагьай стхани гьакӀ хьана. 22А паб ирид стхадини къахчунай, амма садахъни аялар хьанач. Абурулай кьулухъ пабни хкьена. 23Ада ирид стхадик гъуьлуьк хьуниз килигна, абурал чан хтайдалай кьулухъ а паб ирид стхадикай гьи стхадин паб жеда? 24– Квез я Калам, я Аллагьдин къуват тийижирвиляй тушни куьн гъалатӀ жезвайди? – жаваб гана Исади. 25Чан хтайла, инсанрин арада я папар гъунар, я гъуьлуьз финар хъжедач. Абур цавараллай малаикар хьиз жеда. 26Кьейибурал чан хтуникай рахайтӀа, бес куьне Таврат кӀелначни кьван? ЦӀай кьуна кузвай къакъвадин валарин юкьвай Аллагьди Мусадиз ихьтин гафар лугьузвай чка кӀелначни: «Зун Ибрагьиманни, Исакьанни, Якьубан Аллагь я» b? 27Аллагь кьейибурун ваъ, чан алайбурунди я. Куьн кӀевелай гъалатӀ жезва.
Copyright information for
LezIBTNT