Mar 14:3-9 | LezIBTNT | STEP | Иса Бетанда, жузам азарди кьунвай Симунан кӀвале суфрадихъ ацукьнавайла, Адан патав атана са папа, хъенчӀин къапунин кӀуф хана, гьада авай багьа атирар Адан кьилел илична.

‏ Mark 14:3-9

Иса Бетан хуьре

(МатӀ. 26:6-13; ЛкӀ. 7:37-38; Ягь. 12:1-8)

3 Иса Бетанда, жузам азарди кьунвай Симунан кӀвале суфрадихъ ацукьнавайла, Адан патав атана са папа, хъенчӀин къапунин кӀуф хана, гьада авай багьа атирар Адан кьилел илична. 4 Хъел атай са бязибуру чпи чпик лугьуз хьана:

– А атирар вучиз гьакӀ серфна вара-зара ийизва? 5 Ам пуд виш динардилайни ^{▼▼300 динар гьакъи яз къачун патал адетдин зегьметкешди 300 юкъуз кӀвалахун лазим жезвай.} багьаз маса гана, а пул кесибрин арада пайиз жедай.

Абуру папаз ахмурар ийиз хьана. 6 Амма Исади лагьана:

– Ам секиндиз тур, куьн вучиз адал гьавалат хьанва? Ада Зун патал хъсанвал авуна. 7 Кесибар датӀана квехъ галаз амукьда, квевай абуруз гьар квез кӀан хьайила хъсанвилер ийиз жеда, амма Зун квехъ датӀана галамукьдач. 8 А папа вичивай жедайвал авуна: Зал атирар илична, ада Зун сура динжарун патал гьазурна.

9 За квез рикӀивай лугьузва: Шад Хабардикай вязер ийидай кьван чкайра и папа авур хъсан кардикай рахаз жеда, ам инсанрин рикӀерилай алатдач.