Mar 16:1-8 | LezIBTNT | STEP | Киш югъ алатайдалай кьулухъ Маждалдай тир Майрама, Якьубан диде Майрама ва Саламата, фена, Исадивай гуьцӀун патал, атирдин ни галай гъерияр маса къачуна.

‏ Mark 16:1-8

Исадал чан хтун

(МатӀ. 28:1-10; ЛкӀ. 24:1-10; Ягь. 20:1-10)

1 Киш югъ алатайдалай кьулухъ Маждалдай тир Майрама, Якьубан диде Майрама ва Саламата, фена, Исадивай гуьцӀун патал, атирдин ни галай гъерияр маса къачуна. 2 Экуьнахъ лап фад, рагъ экъечӀзавайла, гьафтедин сад лагьай юкъуз ^{▼▼Чувудри гьафтедин сад лагьай югъ гьяд яз гьисабзава.}, абур Иса эцигнавай сурун патав атана. 3 «КьветӀин сивив агалднавай къван чаз ни алудда?» лугьуз, абур чеб чпихъ галаз рахазвай.

4 Килигайла, абуруз къван сивихъай гелянаваз жагъана. Къванни зурбади тир.

5 Суруз гьахьайла, абуруз яргъи лацу пекер алаз эрчӀи пата ацукьнавай жегьил гада акуна. Абуруз гзаф кичӀе хьана.

6 – КичӀе жемир, – лагьана гадади, – куьн хашуниз янавай Назаретви Исадихъ къекъвезвани? Адал чан хтанва, Ам ина амач. Ингье Ам эцигай чкани.

7 Алад, фена, Исади Вич Галилейдиз абурулай вилик акъатда лагьана хиве кьурвал жедайвиликай Адан тилмизризни Петрудиз хабар це. Абуруз Ам гьана аквада.

8 Папар кьветӀяй экъечӀна, чукурна фена. Абурук кичӀевилин зурзун акатнавай. Чпиз акурдакай абурувай кичӀела садазни лугьуз жезвачир.