Mark 4:30-34
Финдин тварцикай кьиса
(МатӀ. 13:31-34; ЛкӀ. 13:18-21)
30Исади мад лагьана: – Аллагьдин Пачагьлугъ чна куьв гекъигин? Я тахьайтӀа гьихьтин кьисадалди чна адан шикил чӀугван? 31Ам финдин тварцив гекъигиз жеда. Ам дуьньяда чилик кутазвай тумарикай виридалайни куьлуь тум я. 32Амма цайила, адакай экъечӀдай тар амай салан вири набататрилайни чӀехи жеда. Ада чӀехи хилер гъида. Хъен гудай гьа хилерал къушаривай мукар ийиз жеда. 33Абур гъавурда гьатдай тегьерда Исади гьа ихьтин кьисайралди Аллагьдин гафар абурал агакьардай. 34Кьиса галачиз Ада халкьдиз ихтилат ийидачир, амма тилмизрихъ галаз кьилди амукьайла, Исади абуруз кьисайрин мана ачухардай.
Copyright information for
LezIBTNT