Mat 10:26-33 | LezIBTNT | STEP | Квез душманрихъай кичӀе жемир, ашкара тежедай гьич са затӀни ва малум тежедай чинебан гьич са карни авайди туш.

‏ Matthew 10:26-33

Исади кьве чин хьунухь айибун

(ЛкӀ. 12:2-9)

26 Квез душманрихъай кичӀе жемир, ашкара тежедай гьич са затӀни ва малум тежедай чинебан гьич са карни авайди туш. 27 За квез буьркьвеба вуч лугьузватӀа, куьне ам эквеба лагь, За куь япал вуч лагьанатӀа, гьадакай кӀвалин чӀередилай хабар це. 28 Беден яна рекьизвайбурухъай кичӀе жемир, абурувай руьгь рекьиз жедач. Гзафни гзаф чанни беден жегьеннемдин цӀа санал тергдай къуват Авайдахъай кичӀе хьухь. 29 Са къара пулунихъ кьве нуькӀ къачуз жедачни мегер? Амма гьикьван абур гъвечӀи ятӀани, абурукай садни куь Бубадин ихтияр авачиз чилел аватдач. 30 Куь кьилелни гьикьван чӀарар алатӀа гьисабнава. 31 КичӀе жемир: гзаф нуькӀерилай куьн артух я.

32 Гьар ни инсанрин вилик Зун ихтибардалди кьабулзаватӀа, Зани цавараллай Зи Бубадин вилик ам гьакӀ кьабулда. 33 Инсанрин вилик ни Закай кьил къакъудайтӀа, Зани цавараллай Зи Бубадин вилик а касдикай кьил къакъудда.