Matthew 12:9-14
Киш юкъуз сагъар хъувун
(Мрк. 3:1-6; ЛкӀ. 6:6-11)
9Гьанай Иса синагугдиз фена. 10Ана члахъ гъил галай са инсан авай. Исадик тахсир кутаз кӀанз, фарисейри Адавай хабар кьуна: – Киш юкъуз инсанар сагъар хъувун Къанундихъ галаз кьазвани? 11– Авай-авачир са хеб Киш юкъуз фуруз аватайтӀа, квекай ни ам акъуд тавуна гьана тада? – жаваб гана Исади. – 12Амма инсан хипелай артух я! ГьакӀ хьайила Мусадин Къанунди Киш юкъузни хийирдин крар ийидай ихтияр гузва! 13Ахпа Ада члахъдаз лагьана: – Ви гъил инихъ ая. Ада гъил яргъи авуна. Гьасятда адан гъил, муькуь гъил хьиз, сагъ хъхьана. 14Анай экъечӀайла, фарисейри, Иса рекьидай рекьер жагъурун патал, чпи чпихъ галаз меслятар ийиз хьана.
Copyright information for
LezIBTNT