Matthew 21:23-27
Исадин ихтияр
(Мрк. 11:27-33; ЛкӀ. 20:1-8)
23Иса Аллагьдин КӀвализ атана, чирвилер гудайла, Адал чӀехи хахамарни чувудрин агъсакъалар атана алтӀушна ва абуру Адаз лагьана: – Вуна и крар гьикӀ лагьана ийизва? Абур ийидай ихтияр Ваз ни гана? 24– За квевайни са кардикай хабар кьада, – жаваб гана Исади. – Куьне Заз жаваб гайитӀа, Зани квез Заз ни ихтияр ганватӀа, лугьуда. 25– 26Вучиз Ягьяди инсанрив цик акахьун къачуз тазвай? Ада инсанрив абуруз чпиз кӀан хьана цик акахьун къачуз тазвайни, я тахьайтӀа, Аллагьдин къастуналди? Абуру чпи чпихъ галаз веревирдер авуна: – Чна «Аллагьдин къастуналди» лагьайтӀа, Ада хабар кьада: «Бес куьн Ягья пайгъамбардин чӀалахъ вучиз хьанач?» «Инсанриз кӀан хьана», – лугьуз чаз халкьдихъай кичӀеда, вучиз лагьайтӀа халкь Ягья гьакъикъи пайгъамбар тирвилин чӀалахъ жезва. 27Гьавиляй абуру жаваб гана: – Чаз чидач. – Зани квез а крар Заз ни ихтияр гана ийизватӀа лугьудач – хълагьна Исади.
Copyright information for
LezIBTNT