Matthew 22:34-40
Виридалайни кьилин тагьким
(Мрк. 12:28-31; ЛкӀ. 10:25-28)
34Исади Вичин жавабралди сакъаяр кӀеве туна лагьай ван галукьай фарисеяр санал кӀватӀ хьана. 35Абурукай са тавратдарди, Иса кӀеве тваз кӀанз, хабар кьуна: 36– Я Муаллим! Аллагьдин вири тагькимрикай важибди гьим я? 37Исади лагьана: – «Жуван Ребби Аллагь рикӀин вири сидкьидай, жуван вири руьгьдалди, жуван вири кьатӀунралди кӀан хьухь» a. 38Им сифтегьан ва лап важиб авай тагьким я. 39Гьадаз ухшар тир кьвед лагьай тагькимни ава: «Жув хьиз жуван мукьув гвайдини кӀан хьухь» b. 40Къанун ва пайгъамбаррин ктабар и кьве тагькимдал акъваз хьанва.
Copyright information for
LezIBTNT