‏ Matthew 26:6-13

Иса Бетан хуьре

(Мрк. 14:3-9; ЛкӀ. 7:37-38; Ягь. 12:1-8)

6Иса Бетанда, жузам азарди кьунвай Симунан кӀвале авайла, 7Адан патав багьа атир авай хъенчӀин гичин гвай паб атана. Ада суфрадихъ ацукьнавай Исадин кьилел атир илична. 8И кар акур Адан тилмизриз хъел атана.

– А атирар вучиз гьакӀ серфна вара-зара ийизва? – лагьана абуру. – 9Ам чӀехи пулунихъ маса гана, а пул кесибрин арада пайиз жедай.

10Амма Исади, адан гъавурда гьатна, лагьана:

– Квез и папакай вучиз хъел къвезва? Ада Заз хъсанвал авуна. 11Кесибар датӀана квехъ галаз амукьда, Зун квехъ датӀана галамукьдач. 12Зал атирар илична, ада Зун кьветӀе-сура динж авуниз гьазурна. 13За квез рикӀивай лугьузва: Шад Хабардикай муштулухар гудай кьван чкайра и папа авур хъсан кар раиж жеда, ам инсанрин рикӀелай алатдач.
Copyright information for LezIBTNT