Matthew 3:13-17
Иса цик акахьун къачун
(Мрк. 1:9-11; ЛкӀ. 3:21-22; Ягь. 1:32-34)
13Гьа чӀавуз Иса Галилейдай Ярдан вацӀал Ягья пайгъамбардин патав цик акахьун къачун патал атана. 14Ягья Ам акъвазариз алахъна. – Зав Вуна цик акахьун къачуз туна кӀандай чкадал Вун цик акахьун къачуз зи патав вучиз атанва? – лагьана ада. 15– Исятда гьакӀ хьурай, – жаваб гана Исади. – Исятда чна Аллагьдиз кӀанзавайди кьилиз акъудайтӀа дуьз жеда. Гьа икӀ, Ягьяди Адав цик акахьун къачуз туна. 16Иса, цик акахьун къачуна, цяй экъечӀдайла, цавар ахъа хьана. Ягьядиз Исадал лифрен шикилда аваз Аллагьдин Руьгь эвичӀайвал ва Адал амукьайвал акуна. 17Цаварай рахадай ван атана: – Ам Зи рикӀ алай Хва я, Зи шадвал Гьадалди я. Matthew 4:1-11
Кьурумда темягь авун
(Мрк. 1:12-13; ЛкӀ. 4:1-13)
1 Руьгьди Иса, иблисди рекьяй акъуддатӀа чирун патал, кьурумдиз тухвана. 2ЯхцӀур юкъузни яхцӀур йифиз сив хвейидалай кьулухъ Исадиз гишин хьана. 3Иса рекьяй акъудиз кӀанзавай иблис Адав агатна. – Вун Аллагьдин Хва яз хьайила, и къванер фаз элкъуьрдай эмир це, – лагьана ада. 4Амма Исади жаваб гана: – Каламда кхьенва: «Инсандал алай чан тек са фалди туш. Инсанди Реббидин сивяй акъатзавай гьар са гафуналди уьмуьр тухузвайди я!» a 5– 6Ахпа Ам иблисди пак шегьердиз тухвана, ана Ам Аллагьдин КӀвалин виридалайни кьакьан чкадал хкажна: – Вун Аллагьдин Хва яз хьайила, агъуз хкадра, – лагьана ада. – Каламда кхьенва: «Аллагьди Вичин малаикриз Вун хуьх лугьуз тапшуругъ гуда.Абуру Вун Ви кӀвач къванцихъни галукьар тавуна
гъилерал кьуна тухуда» b.
7– Каламда мадни кхьенва, – жаваб гана Исади, – «Виридан Ребби тир Аллагь синагъ ийимир» c. 8Иблисди Иса мад са кьакьан дагъдал тухвана. Ада Исадиз дуьньядин вири пачагьлугъар чпин зурбавиле къалурна. 9– МетӀерал акъвазна заз икрам авуртӀа, ибур вири за Ваз гуда, – лагьана иблисди. 10Гьа чӀавуз Исади лагьана: – Алат Залай, иблис, Каламда кхьенва: «Реббидиз, ви Аллагьдиз, икрама, са Гьадаз къуллугъни ая» d. 11Гьанлай иблисди Ам секиндиз туна. Малаикри атана Исадиз къуллугъ ийиз хьана.
Copyright information for
LezIBTNT