Mat 7:21-27 | LezIBTNT | STEP | Заз «Агъа, Ребби» лугьузвай кьванбур вири Цаварин Пачагьлугъдиз акъатдач, Аниз акъатдайди анжах Зи Бубадин къаст кьилиз акъудзавайди я.

‏ Matthew 7:21-27

21 Заз «Агъа, Ребби» лугьузвай кьванбур вири Цаварин Пачагьлугъдиз акъатдач, Аниз акъатдайди анжах Зи Бубадин къаст кьилиз акъудзавайди я. 22 Къияматдин юкъуз гзафбуру Заз лугьуда: «Я Агъа, я Ребби, Аллагьдин гафар Ви ТӀварцӀелай инсанрал агакьарайди чун туширни? Ви ТӀварцӀелай жинерар хкудзавайбурни чун туширни? Гзаф аламатарни чна Ви ТӀварцӀелай авуначирни бес?»

23 Ахпа За абуруз лугьуда: «Заз куьн гьич чидайбур туш. Алат Залай, куьне чӀуру крар гзаф авуна».

Мягькем ва гъуьргъуь хандакӀрикай

(ЛкӀ. 6:47-49)

24 Зи Гафариз яб гуз, абур кьилиз акъудзавайди, акьул авай, кӀвал эцигдайла, кӀвалин бине къванцел эцигай инсандиз ухшар я. 25 Марф къвана, вацӀар алахьна, гарар акъатна. Вири гьа кӀвалихъ элкъвена, амма, бинеда чархунин къван ава лугьуз кӀвал чкӀанач. 26 Амма зи гафариз яб гуз, абур кьилиз акъуд тийизвайди кӀвал хандакӀ авачиз, къумадал эцигнавай ахмакьдиз ухшар я. 27 Марф къвана, вацӀар алахьна, гарар акъатна гьа кӀвалел ацалтна. КӀвал ацахьна, зурбадаказ чкӀана.