Mat 12:46-50 | TukLat16 | STEP | Isa halka gürrüň berip durka, ejesi bilen inileri geldi. Olar Isa bilen gepleşjek bolup, daşarda garaşyp durdular.

‏ Matthew 12:46-50

Isanyň ejesi we inileri

(Mark 3:31-35; Luka 8:19-21)

46 Isa halka gürrüň berip durka, ejesi bilen inileri geldi. Olar Isa bilen gepleşjek bolup, daşarda garaşyp durdular. 47 Kimdir biri Isa: «Ejeň bilen doganlaryň Seniň bilen gepleşmek üçin daşarda garaşyp durlar» diýdi. 48 Emma Isa muny aýdana: «Meniň ejem, doganlarym kim?» diýdi. 49 Soňra eli bilen şägirtlerini görkezip: «Ine, Meniň ejem, doganlarym şulardyr! 50 Gökdäki Atamyň islegini kim berjaý etse, şol Meniň doganym, uýam hem ejemdir» diýdi.