Psalms 23
Dawudyň mezmury
1 Rebbiňkidir ýer we ondaky zatlar,älem hem-de onda ýaşaýanlar.
2Çünki Ol deňizler üstünde ýeriň düýbüni tutdy
hem-de ony suwlaryň üstünde gurdy.
3Rebbiň dagyna kim çykyp biler?
Mukaddes öýünde kim durup biler?
4Elleri päk, ýüregi-de ak,
köňlüni galplyga gönükdirmeýän,
hile bilen kasam etmeýän ynsan.
5Ol Rebden alar ak pata,
halas edýän Hudaýyndan alar aklanma.
6Ony – Ýakup Hudaýynyň ýüzüni agtarýanlaryň
neslindendir ol.
7Eý, derwezeler, başlaryňyzy galdyryň!
Eý, gadymy gapylar, ýokary galyň!
Şöhrat Şasy içerik girsin!
8Bu şöhrat Şasy kim?
Rebdir güýçli, kuwwatly,
Rebdir, söweşdäki kuwwatly.
9Eý, derwezeler, başlaryňyzy galdyryň!
Eý, gadymy gapylar, ýokary galyň!
Şöhrat Şasy içerik girsin!
10Bu şöhrat Şasy kim?
Ol – Hökmürowan Reb we şöhrat Şasy.
Copyright information for
TukLat16