Mar 3:13-19 | TukLat16 | STEP | Onsoň Isa daga çykyp, Öz saýlan adamlaryny ýanyna çagyrdy, olar Onuň ýanyna bardylar.

‏ Mark 3:13-19

Isa on iki şägirdini saýlaýar

(Matta 10:1-4; Luka 6:12-16)

13 Onsoň Isa daga çykyp, Öz saýlan adamlaryny ýanyna çagyrdy, olar Onuň ýanyna bardylar. 14 – 15 – 16 Isa on iki adamy saýlap alyp, olara resullar diýip at berdi ^{▼▼Olara resullar diýip at berdi – bu sözlem käbir golýazmalarda ýok.}. Onuň wagyz etmäge iberen, hassalary sagaldyp, arwah-jynlary kowmaga ygtyýar beren bu on iki resuly şulardyr: Simun – Isa oňa Petrus diýip at berdi, 17 Zebedeýiň ogullary Ýakup bilen Ýohanna – Isa olara Bowanerges diýen lakamy berdi, (bu «Gök gürrüldisiniň ogullary» diýmegi aňladýar), 18 onsoň Andrys, Filip, Bartolomeý, Matta, Tomas, Alfeýiň ogly Ýakup, Taddeý, watançy Simun 19 we Isa haýynlyk eden Ýudas Iskariýot.