Mat 22:23-33 | TukLat16 | STEP | Ölümden soň direlişiň ýokdugyny aýdýan saddukeýler Isanyň ýanyna gelip, Oňa şeýle sorag berdiler:

‏ Matthew 22:23-33

Direliş barada sowal

(Mark 12:18-27; Luka 20:27-40)

23 Ölümden soň direlişiň ýokdugyny aýdýan saddukeýler Isanyň ýanyna gelip, Oňa şeýle sorag berdiler: 24 ^a«Mugallym! Musa bize bir adam perzentsiz ölüp gitse, dogany onuň dul aýalyny alyp, ölen doganynyň neslini dowam etdirmelidir diýip aýdypdyr. 25 Biziň aramyzda ýedi dogan bardy. Birinjisi öýlendi-de öldi. Zürýady bolmansoň, aýalyny doganyna galdyrdy. 26 Ikinjisi, üçünjisi, tä ýedinjisine çenli hemmesinde şol bir ýagdaý gaýtalandy. 27 Olaryň hemmesinden soň ol aýal hem öldi. 28 Indi direliş güni bu aýal olaryň haýsysynyň aýaly bolar? Olaryň ýedisi hem oňa öýlenipdi ahyryn». 29 Isa olara şeýle jogap berdi: «Siz ne Mukaddes Ýazgylary, ne-de Hudaýyň gudratyny bilýärsiňiz, ine, şu sebäpden ýalňyşýarsyňyz. 30 Ynsanlar ölümden direlende, ne öýlenerler, ne-de durmuşa çykarlar, olar göklerdäki perişdeler ýaly bolarlar. 31 Ölüleriň direlişi babatda bolsa, siz Hudaýyň özüňize: 32 ^b„Men Ybraýymyň, Yshagyň, Ýakubyň Hudaýydyryn“diýenini okamadyňyzmy? Ol ölüleriň däl-de, dirileriň Hudaýydyr». 33 Mähelle muny eşidip, Onuň taglymatyna haýran galdy.